Hmar - Hmar English Dictionary

A Dictionary of the Hmar Language by Upa Dr. Vanlal Tluonga Bapui

Tulai khawvêl hmasâwnna le inruolin ṭhang hung thar peihai tadingin, lekhabu va phêta va tiem hin hun tam tak a lâk hlak leiin, mamaw huna awlsam taka zuk en le hmang el thei dân hi nei ṭulna a hung um tah a. Iengkim hi a awlsam thei ang tak pei hi tulai huna ding chun ditthlang lem le mamaw a hung ni tah

Chuong anga zuk hmang ṭangkai a ni theina ding chun Hmar-Hmar-English Dictionary ka ilo ziek khawm hi sie ve inla tiin Pu Thanga Khawbung in a mi hung ngênna chu phal pêkin, hi Android Application version hi hung siesuok a nih.

Hmar - Hmar English Dictionary chu Play Store ah Download theiin a um tah a. Hi Dictionary a hin Hmar ṭawng chu Hmar ṭawng bawka a umzie hrilfie/pêk a ni a, chu hnungah Sâp ṭawnga a umzie sie a nih. Chun Hmar ṭawng lam dân thiemnawhai lam dân ding phonetic symbol anga sie a ni bawk a nih.

Hi App hi Pu Simon L Infimate in awlsam taka hmang thei dinga a riruong a ni a, Hmar le Sâp thumal zawng thei ve ve a ni bâk ah a thlûksei le chuk (diacritical marks le accents) umna hai khawm type kher ngai lova zawng theia a siem a nih.

Android hmanga lo en theituhaiin an lo hmang ṭangkai dingin ka’n hlân.

- Upa Dr. Vanlal Tluonga Bapui