Дин дәрестәре

"Dean dәrestәre", 2-ce baҫma "! Vaҡyt" nәshriәte Өfө - 2013. Ishmorat Hәybullin

Хәйбуллин Ишморат Нәзир улы

Дин дәрестәре/Хәйбуллин И.Н. – Өфө, «Ваҡыт!» нәшриәте, 2013. –... бит.

«Дин дәрестәре» тигән был китап 2011 йыл дауамында «Ваҡыт!» гәзитендә өлөшләп баҫылып килеп, 2012 йылда шул уҡ гәзиттә бер һанда тулы йыйынтыҡ булып сыҡты.

2013 йылдың көҙөндә уның беренсе баҫмаһы донья күрҙе, ә һеҙҙең ҡулығыҙҙағы китап – саҡ ҡына төҙәтелгән, ләкин үҙгәртелмәгән икенсе баҫма. Был хеҙмәт мәсет-мәҙрәсәләрҙә башҡорт һәм татар телендә дәрес биреүсе хәҙрәттәргә лә, мәктәптәрҙә дин сәғәттәре алып барған уҡытыусыларға ла һәм, ғөмүмән, Ислам тураһында ниндәйҙер булһа ла нигеҙле мәғлүмәт алырға теләүсе һәр кемгә лә бик файҙалы булыр, тип ышанабыҙ. Юҡһа күпселегебеҙ бит, үҙебеҙҙе мосолман тип йөрөтһәк тә, «кем ул мосолман», «нимә ул ислам дине», «динебеҙ беҙҙе нимәгә саҡыра», «кеше был донъяла ни өсөн йәшәй» кеүек ябай ғына һорауҙарға ла яуап белмәйбеҙ. Ошо рухи фәҡирлегебеҙ сәбәпле тормошобоҙ ҙа ваҡсыллыҡ менән тулы, бәрәкәтһеҙ, маҡсаттарыбыҙ ҙа һай, аңлайышһыҙ, үҫеп килгән йәш быуынға ла бер ниндәй ҙә йүнле тәрбиә бирә алмайбыҙ.

Әммә был донъяла һәр нәмәнең аҙағы була, ҡараңғы төндән һуң да таң ата, болоттар ҙа ҡасан да булһа тарала һәм ҡояш сыға. Һәм бөгөн шулай үҙ телебеҙҙә дини гәзиттәр, дини китаптар нәшер ителә башлауы, дини дәрестәр баҫылыуы ла шул таң атыуы, ҡояш сығыуы түгелме ни? Тик беҙ үҙебеҙ ҡараңғынан яҡтыға сығырға теләрбеҙме?..

Ысынлап, уянырға, аңға килергә ВАҠЫТ!