Eseguita da Mohammed bin Garmin e Abdulaziz

سلام يا وجهٍ تبسم لي و بكاني

سلام يا وجه الغياب اللي تحفاني

جيتك على وضح النقا

مشتاق وادور لقى

وانشد عن علوم قلبك وش هي اخباره

من غبت عني ما هنالي مرقدي ساعه

يا حر كبدي من وجع فرقاه ووداعه

شيبت بي وانا صغير

حملتني حمل كبير

شف شاعرك بان حزنه داخل اشعاره

شف لك طريق يصلح اللي بينك وبيني

والا بروح لقاطع الحق ويراضيني

بعدك ما حيا عالفلاح

لا ون ضلع ضلع طاح

اتلفت صدرٍ خذيته كان بغباره

وش فادني به حبك اللي بس كذا سمعه

ما غير شوف وحرق جوف ولا حصل جمعه

يا عود زيتونٍ ظهر

في دار كفر من القهر

لا مره المسلمين ولا اقبلو داره

في جال تقدير و غلا خليتك مبدا

ولوهي بعز النفس ابتعب خاطرك جدا

خلها تبرد حرتك

ومانيب تابع جرتك

من يتبع اهل القفيا قل مقداره

دام الجفا طبعك فلا لي فالهوا حاجه

وماظن بعد كلمة فمان الله بنتواجه

لكن فمان الله وانا

يرضيني طيفك لا دنا

واستر جروحي ترا الاجواد ستاره

OSTER JOROUHI

ISTER GOROUHI

ster gerouhi

rami bn gharmane

mhammad bn gherman