Gratitude is a cultural scholar Part 1

អារម្ភកថា

អត្ថបទ ប្រជុំរឿងផ្សេងៗ ដែលស្ថិតនៅក្នុងហត្ថាទាំងទ្វេរបស់ លោកអ្នកនេះ គឺជាកម្រងរឿងព្រេងផ្សេងៗ ដែល​មាន​ពិត​ក្នុង​ព្រះ​ពុទ្ធ​សាសនា​បាន​ឆ្លុះ​បញ្ចាំង​ពី​និន្នាការ​ផ្សេងៗ​ក្នុង​សង្គម​សម័យ​នោះ ហើយ​ដែល​នៅ​តែ​ត្រឹម​ត្រូវ​នឹង​ព្រឹត្តិការណ៍​នានា នា​សម័យ​បច្ចុប្បន្ន​ផង​ដែរ។

អត្ថបទទាំងនេះ ខ្ញុំសូមចែកជាភាគតូចៗ មានពី ៣០ ទៅ ៥០ ទំព័រ មិនឲ្យច្រើនពេកនោះឡើយ។ ក្នុងភាគនីមួយៗ មានពី៣ ទៅ ៥ រឿង តាមដែលរឿងនោះវែងឬខ្លី ដូចជាភាគទី ១ នេះ ខ្ញុំ​លើក​យក​រឿង​ចំនួន​៣ ដែល​និយាយ​បរិយាយ​អំពី​ការ​ចិញ្ចឹម​ម្តាយ​ឪពុក ហើយ​ឲ្យ​ឈ្មោះ​ថា កតញ្ញូ ជាធម៌អ្នកប្រាជ្ញ រី​ឯ​ភាគ​ផ្សេងៗ​ទៀត នឹង​មាន​ចំណុច​ផ្សេងៗ​ពី​នេះ។

ខ្ញុំសង្ឃឹមថា អត្ថបទទាំងនេះ នឹងជួយលោកអ្នកឲ្យបានយល់ពី ផលនៃការបីបាច់រក្សាអ្នកមានគុណទាំងពីរ ដែលលោកជាព្រះរស់ នៅក្នុងផ្ទះរបស់ខ្លួន។ ទាំង​ជួយ​សម្រាល​ភាព​តាន​តឹង​ពី​ការងារ នៅ​ពេល​បាន​អាន​អត្ថបទ​ទាំង​នេះ ១៥នាទី​មុន​ពេល​ចូល​ទៅ​សម្រាក​សម្រាន្ត។

ខ្ញុំ​រីករាយ​បំផុតក្នុងការជួយកែតម្រូវរបស់លោកអ្នកវិញ្ញូជនទាំងពួង។ ខ្ញុំសូមឧទ្ទិសអត្ថបទរឿងទាំងនេះជូនបុព្វការីជនទាំងឡាយ។ ម្យ៉ាងសូម អ្នក​អាន​ទាំង​ឡាយ​បាន​ចំណែក​នៃ​បញ្ញា​នេះ​គ្រប់ៗ​គ្នា​កុំ​បី​ខាន​ឡើយ។

រៀបរៀងចងក្រងដោយៈ ភិក្ខុ ធម្មសិរី សែមចន្ទធីរ៍