IBEL Donostia

Veicoli elettrici a volontà

Bezero batzuk aireportura eraman behar dituzula? Zure enpresako komertzialek bisitak izaten dituztela inguruan? Ez zaizula errentagarria egiten enpresako ibilgailu bat erostea? Ez dizula merezi zure autoarekin laneko irteera puntualak egitea?

Donostiako Sustapenak IBEL Donostia proiektua jarri du martxan.

Zer da IBEL Donostia? Ibilgailuak alokatzeko zerbitzua, enpresek edo beren langileek beren beharren arabera erreserba dezaketena.

Mugikortasun-formula berri bat da, Donostiako lantoki eremuetako joan-etorri beharrak betetzeko pentsatua, ibilgailuen erabilera optimizatuta eta modu jasangarria bilatzen duena.

Ereduaren helburuak argiak dira:

- Lantoki-eremuek jasaten duten trafiko- eta aparkatze-pilaketa murriztea.

- Enpresa eta langileentzat merkeagoa izan daitekeen mugikortasun-eredu bat sortzea.

- Zero emisioko ibilgailuen erabilera bultzatzea, erabiltzaileak ibilgailu-kudeaketa teknologia berriekin ohitzeko esperientziak sustatuz.

Kilometrajea eta erreserbaren iraupenaren araberako tarifa mistoak. Birkargek ez dute kosturik erabiltzailearentzat! Gainera, erreserbak zure kreditu-txartelarekin ordain ditzakezu edo zenbatekoa enpresa-kontuan kargatu.

Dena aplikaziotik!

Bertatik…

… zure erabiltzaile-kontua baliozkotu dezakezu, zure NANa, gidabaimena eta banku-txartela erregistratuz

… aukeratu ditzakezu erreserbaren hasiera- eta amaiera-datak.

… behar duzunari hobekien egokitzen zaion ibilgailua aukeratu dezakezu.

… erreserba formalizatu, aldatu edo bertan behera utz dezakezu.

… aukeratu dezakezu non kargatu erreserbaren zenbatekoa, lotutako txartelera edo enpresa-kontura.

… ibilgailua ireki eta itxi dezakezu bluetooth bidez.

… erreserben historia eta egoera kontsulta dezakezu.

… zuzenean laguntza teknikoarekin harremanetan jar zaitezke.

… ibilgailuaren kalteen txostena kontsulta dezakezu, eta kalte berriak gehitu.

Ibilgailu bakoitzak aparkatzeko plaza bat eta birkargatzeko gailu dedikatu bat izanen ditu.

Gozatu IBEL Donostiarekin.