Shirt Maker

Crea un design che ti rispecchi o scegli il design che meglio si adatta al tuo stile

احنا مين ؟

احنا فريق مهتم بالديزاين وعارف انه حاجة اكبر من انه يكون مجرد صورة تتطبع , التصميم حاجة بتعبر عننا عن اسلوبنا عن احساسنا التصميم عبارة عن الفكرة و الفكرة لا تموت , ولأن كل الي حوالينا حاليا أفكار ناس تانية قررنا اننا نخلي الناس هي الي تفكر هي الي تبدع هي الي تبتكر وتختار علشان كده عملنا أبلكيشن T-shirt Maker او صانع التيشرتات !

الفكره ان الأبلكيشن دا بيخليك تقدر تصمم لبسك بذوقك انت , تقدر تختار الطبعة و اللون والمقاس الى عايزهم والطلب يوصلك لحد بيتك كتشيرت او سويت شيرت زى م انت تطلب بالظبط .

==================

ايه مميزات التطبيق ؟

⭐ معاينه بالواقع المعزز

⭐ التصميمات الديناميكيه

⭐ رقم تتبع الطلب

⭐ تحميل اسرع

⭐ استهلاك انترنت اقل

⭐ زر إعمل معنا

⭐ المصممين

⭐ متابعة مصمم

⭐ نظام بحث وفلتره متكامل

⭐ محرر تيشرتات قوى

⭐ سلاسة فى الاستخدام

⭐ دعم 98% من الهواتف

وايضا مع العديد من المميزات الاخرى التى تجعله اقوى منصة تصميم ملابس اونلاين انطلق معنا واكتشفها بنفسك

==================

اشرحلى صانع التيشرتات او Shirt maker ؟

بص بقا انت كل اللى هتعمله هتدوس كلمة تثبيت فوق بعد كدا هتلاقى لستة فيها كل التصميمات اللى ممكن تتخيلها ممكن تطلب اى حاجه منها , طيب لو معجبتنيش حاجه بقا ؟ اقولك تعمل ايه , اول حاجه تفتح القائمه الجانبيه بعد كدا تك على "make your shirt" او "انشاء تصميمك الخاص" وساعتها بقا هتلاقى محرر تيشرتات كامل , اختار صوره من الجهاز ظبطها , اكتب عليها ودوس علامة صح , بعد كدا بقا تيجى معاينة التيشرت 3D بعد كدا تقدر تطلبه وتكتب عنوانك , التوصيل مجانى لحد باب البيت

==================

صاحبى معندوش اندرويد وعاوز يستخدم Shirt maker ؟

بص بقا هو Shirt maker حاليا متوفر للاندرويد وقريب هنعمل موقع الكترونى "Shirt-maker.com" بس لحد ما نعمل الموقع اى حدا عاوز يستخدم خدمة Shirt maker ممكن ان هو يبحث عن صفحتنا فى فيسبوك باسم Shirt maker ويطلب التيشرت اللى هو عاوزه واحنا هنوصله له لحد البيت

او ممكن بردو يفتح صفحة Shirt maker من اللينك دا

fb.com/go.shirt.maker

==================

عايز أنضم لفريقكم !

احنا حاليا مش بنفكر اننا نتوسع ولكن أي عرض احنا بنقبل بيه شوف احنا عندنا 3 اقسام جوه الشركة القسم الاول قسم المبيعات والقسم التاني قسم التسويق والقسم التالت قسم التكنولوجي

احنا بندور حاليا علي مبرمجين أندرويد يساعدونا , وبندور علي مبرمجين واقع معزز (AR)

مسوقين بالعمولة تقدر تشتغل معانا وتبيع لحسابنا وكل حد بتخليه يحمل الأبلكيشن ويشتري بتاخد 10% علي مشترياته مدي الحياة

موزعين كل حاجة هتكون عليك , احنا بنسلمك حاجة اسمها الخطة طويلة المدي والخطة القصيرة المدي ودي بتخليك تتوسع وتبني سوق كبير بداخل المحافظة بتاعتك وبنعرفك ازاي تتحكم في المبيعات والاسعاروالتسويق وازاي تحقق النجاح وتكون جزء منه , وبيكون ليك سماح وصلاحيات محدودة ودا في مقابل نسبة 10% هتاخدهم منك الشركة نظير أستخدام المنصة الخاصة بيها .

محتاجين مصممين وديزاينير كتير جدا يكونو شركاء لينا في رحلتنا , قريب جدا هيكون متاح لكل الديزاينير الي في العالم انهم يحطو تصميماتهم ويعرضوها للعملاء علي الأبلكيشن

==================

ايه طموحكم ؟

كل الي انتا قريته داه يعتبر أول خطوة في حلم شركة GO شركتنا هي متخصصة في الذكاء الاصطتناعي وتعدين البيانات وتعليم الألة , هدفنا هو نشر العلم داه في الشرق الأوسط قبل 2025 , هدفنا الحقيقي هو ريادة التكنولوجيا في الشرق الاوسط ومنافسة الاسواق العالمية واسواق الذكاء الاصطتناعي في المستقبل , هدفنا اننا نثبت ان الفلوس مش بتجيب فلوس احيانا العقول بتصنع الفلوس , او بتصنع بديل ليها !

في الوقت الحالي احنا طموحنا اننا نطبق أستراتيجية معينة ودراسة معينة احنا درسناها للسوق المصري علشان كدا احنا مستعدين للتعاقد مع كافة الشركات الي تقدر انها تساعدنا وتشاركنا حلمنا خصوصا اننا بقينا في زمن التسويق التشاركي والاقتصاد التشاركي هم الي بيقودو العالم .. واحنا مستعدين لأحلامنا ودي مجرد بداية .