Pasian min phatna labu. Praise and worship. Church Hymnal.

MARANATHA

M

aranatha (1 Cor. 16:22) ih cih in kammal nih kigawm, Maran‘athah, hi aa ―Ih Topa hong pai (ahk) hong pai ta‖ cih akhiatna

nei hi. A sau zaw in en leng ―Ih Topa hong pai aa, Amah a thusim

lote tungah thu akhen ding hi‖ cih ahi hi (etkak Phi. 4:5; James 5:8,9).

Laisiangtho buppi ii thubulpi in Jesuh nih veina hong paikik nading thu

ahi hi. Tanglai misiangthote in zong minthan‘na tawh tua messiah hong kilat

ding a na lamen khinzo uh hi. Adam panin a khang sagihnapa Enoch in zong

tua mite thu hilh bangin a genkhol hi. ―En un, mi khempeuh tungah thu a khen

dingin ama misiangtho tulsawm tampite tawh Topa hong pai hi‖ ci hi (Jude

14,15). Pupi Job in zong ―Kei hong Tankhiapa a tawntung in nungta-in, vantung ah a omna thu ka thei hi. .. hih ka pumpi mahmah tawh Pasian ka mu

ding hi. Keima mit tektek tawh amah ka mu dinga, amah in kei hong mi-khual

et lo ding hi‖ ci hi (Job 19:25-27).

Laisiangtho gelhte in a pulaak nop bulpi pen uh zong Dikna gam lut nadinga Khris hong paina thu mah ahi hi. Laphuak pa in, ―Pasian hong pai hi,

amah dai om lo hi, . . .Vantung mite kipaak hen la, leitung lungdam hen.

Amah hong pai ta hi. Leitung mite thukhen dingin hong pai ta hi‖ ci hi (Late

50:2-4; 96:11, 13). Kamsangpa Isaiah genna ah, ―En un, Amah in eima Pasian

hi; eite hong hon dingin amah i muang hi‖ kici ding hi (Isa. 25:9). Habakkuk

in zong a mangmuhna sunga amuh Topa hong kilat zia ding a genna ah

―Teman panin Pasian hong pai-a, Paran Mual panin Siangtho Pa hong pai

hi‖ (Hab. 3:3). Sawltak Paul teci panna ah, ―Topa mah in kikona tawh, vantungmi‘ mangpa kikona tawh, vantung pan hong kumsuk‖ naci hi (1 Thes.

4:16). Patmos a kamsangpa in zong, ―En un, Topa in meiite tawh hong

kumsuk dinga, mittang khempeuh in mu ding‖ naci hi (Mang. 1:7).

Ama hong pai kik nading pen ―Tanglai panin ama kamsang siangthote‘

kam uh tawh agenkholh mah bangin na khempeuh abawl thak kik hun‖ cih ahi

hi (Sawl. 3:21). Tua hun ciangin gitlohna in sawt veipi a ukcipna pen bei tading hi. ―Hih leitung gam in I Topa leh ama Khris gam‖ hong suak dinga,

―Amah in a tawntung in a uk ding hi‖ (Mang. 11:15).

Topa hong pai kik ding pen eite khat ciat ii lametpi pen ahi hi. Jesuh vantung akah toh ma-in hong kamciam thupipen zong ahi hi. Tua manin ―A lian

eite Pasian leh Honpa Zeisu Khris minthanna tawh a hong kilat ding lametna

thupha ngakin i om hi‖ (Titus 2:13). Tua hun ciangin Khris um a asite hong

tho kik ding uh a, a nungta lai-a om eite, huih lakah Topa dawn dingin amaute

tawh meii lakah hong kilato khawm ding hi. Tua tak ciangin Topa tawh i om

khawm tawntung ding hi (1 Thess 4:17,18).

―En in, a manlang in kong pai ding hi‖ cih kamciam leh ―Amen. Topa

Jesu aw, hong pai ta in‖ (Mang. 22:20) cih khang tawntung a ih thungetna

hisak ni. Maranatha!